Mars terta

Marengsbotnar


4 eggjahvítur
2 dl sykur
1 dl púðursykur
2 bollar rice krispies.

þeyta vel saman eggjahvitur og sykur.
Hrærið varlega rice krispies út í, og setjið í tvö smurð kökuform eða í láta bökunarpappír í formin.
Bakist við 150°c í ca. 60 mín.


Krem á milli


1 peli rjómi
rúsínur (eða mars saxað niður)
nóa kropp
jarðaber

þeytið rjómann og setjið rúsínur og nóakropp og jarðaber (í litlum bitum) út í eftir smekk.


Krem ofan á


4 eggjarauður
3 msk sykur
2 stk mars
60 gr smjörlíki

eggjarauður og sykur þeytt saman.
Mars og smjörlíki brætt og blandað saman við og kælt.

Bláberja parfait Hrefnu Rósu

½ liter rjómi
100 g sykur
5 eggjarauður
1 askja bláber
1 stk stjörnuávöxtur

Aðferð:

Þeytið rjómann.
Maukið berin í morteli með ¼ af sykrinum (ekkert nákvæmt samt).
Setjið eggjarauðurnar í skál ásamt restinni af sykrinum. Þeytið létt.
Blandið þeytta rjómanum varlega út í smátt og smátt.
Setjið í skálar og frystið í viðeigandi skálum eða formi

Steikt brauð með ferskum bláberjum

1 hvítt brauð, skorið í þykkar (3ja cm.) sneiðar
2 bollar fersk bláber
3 egg
2 msk. smjör til steikingar
1 tsk. vanilludropar
Kanill
Vatn
Flórsykur

Meðlæti:
Volgt Maple síróp

Setjið eggin, vanilludropana, skvettu af vatni og kanil eftir smekk, í grunna skál og blandið saman.

Hitið smjör á pönnu við miðlungshita. Dýfið brauðsneiðunum í eggjablönduna og steikið á pönnunni í ca. 2 til 3 mín. á hverri hlið.

Setjið brauðsneiðarnar á disk, stráið flórsykri og bláberjum yfir. Berið fram með volgu Maple sírópi.

Hveitikökur með bláberjum

8 bláberjahveitikökur:

1 bolli fersk bláber
1 bolli heilhveiti
1 bolli hveiti
1/4 bolli sykur
1/3 bolli smjör
3/4 bolli matreiðslurjómi
1 eggjarauða
3 tsk. lyftiduft

Forhitið ofninn í 220°C. Setjið heilhveitið, hveitið, lyftiduftið og sykurinn í skál og blandið saman. Bætið smjörinu smám saman út í. Setjið rjómann og eggjarauðuna í skál og blandið saman. Bætið síðan vökvanum út í þurrefnin. Hrærið í með gaffli þar til þurrefnablandan er orðin rök. Bætið bláberjunum varlega út í. Setjið smá hveiti á borðið, leggið deigið ofan á og hnoðið varlega, ca. 6 sinnum, og myndið kúlu úr deiginu. Sléttið úr kúlunni svo úr myndist hringur um 2ja cm. þykkur. Setjið deigið varlega á plötu með bökunarpappír. Skerið út átta kökur (bita) í deigið, passið þó að skera ekki alla leið í gegn. Stráið sykri yfir. Bakið í 20 mín., eða þar til gyllt að lit. Brjótið kökurnar í sundur og berið fram volgar með smjöri.

Spínatsalat með bláberjum og ristuðum pecanhnetum

1 dl pecanhnetur
2 msk brætt smjör
2 1/2 dl fersk bláber
400 g spínat
1 1/4 dl jómfrúarólífuolía
3 msk balsamedik

Blandið pecanhnetum og smjöri saman og bakið í ofni við 175°C í um 15 mínútur. Kælið.Hreinsið spínatið, þurrkið og setjið í skál. Blandið pecanhnetum og bláberjum út í. Hrærið olíu og balsamediki saman og hellið yfir salatið. Berið fram eitt og sér eða sem meðlæti, t.d. með kjöti.

Bláberjasúkkulaðikaka

110 g ósaltað smjör
75 g dökkt súkkulaði
2 stór egg
1 tsk vanillusykur
75 g hveiti
75 g frosin bláber
75 g valhnetur

Smjör og súkkulaði brætt í vatnsbaði og hrært varlega saman. Þeytið egg, sykur og vanillusykur þar til það er orðið froðukennt. Hellið súkkulaðiblöndunni saman við og bætið hveitinu út í að undanskilinni 1 msk. Veltið frosnum berjunum upp úr hveitinu og bætið þeim ásamt valhnetunum út í blönduna.
Bakið í miðjum ofni v/180°C í 24 cm kökuformi.

Tilbrigði af fiskibollum

500 gr. hökkuð ýsa
1 dl gróft spelthveiti
1 tsk. salt
1/2 tsk. pipar
1 egg
150 ml. AB mjólk
2 gulrætur, rifnar
1 hvítlauksrif, pressað
1 laukur, smátt saxaður
1/2 ferskur rauður chili, afar smátt saxaður
1/2 cm bútur af engifer, afar smátt söxuð
etv steinselja og graslaukur.

Hráefni er öllu hrært saman, og það er fínt að kæla þetta í ca. 30-60 mín.
Svo er restin einföld.. bollur mótaðar og steiktar á pönnu í smá olíu eða blandi af olíu og smjöri.

Bestu fiskibollur í heimi !

500 gr. ýsuhakk
4 msk. heilhveiti
1 tsk. salt
1/2 tsk. pipar
1 egg
150 ml. AB mjólk eða súrmjólk
2 gulrætur, rifnar
1 hvítlauksrif, marið
1 lítill laukur, smátt saxaður
2 msk. steinselja (má nota þurrkaða)


Aðferð: Öllu hrært saman, ágætt að setja í kæli í ca. 30-60 mín. Síðan eru bollur mótaðar úr deiginu, steiktar í örlítilli olíu á pönnu í ca. 7-8 mín hvoru megin.

Fiskbuff

10 cm bútur af gúrku
salt
1 dós sýrður rjómi (10%)
ferskar kryddjurtir eftir smekk
nýmalaður pipar

400-500 gr soðin ýsa eða annar fiskur
400 gr soðnar kartöflur
50 gr smjör
1 egg
1 eggjarauða
1 tsk fínrifinn engifer


Byrjað er á að búa til ídýfuna: Gúrkan er rifin á rifjárni, sett í sigti, salti stráð yfir og látin standa í 15-20 mínútur. Þá er hún skoluð úr köldu vatni, hellt á viskastykki og vætan pressuð úr henni. Sett í skál ásamt sýrða rjómanum og kryddjurtunum og hrært vel saman. Kryddað með pipar eftir smekk.

Fiskurinn er losaður í sundur í flögur og stappaður með kartöflunum og helmingnum af smjörinu. Eggi, eggjarauðum og engifer er hrært saman við, smakkað til með pipar og salti og mótað í buff. Ef blanda er of þunn má hræra svolitlu maísmjöli eða kartöflumjöli saman við.

Afgangurinn af smjörinu er bræddur á pönnu og buffin steikt við meðalhita þar til þau eru gullinbrún á báðum hliðum.

Fiskibollur og meðlæti

4-5 þorskflök, rotflett og beinhreinsuð
1 stór laukur
1 ½ grænmetisteningur frá Rapunzel
Svartur pipar frá Pottagöldrum
Ósigtað spelt frá Aurion (1/4 af fiskdeigi)
2 msk kartöflumjöl
2 stk hamingjuegg

Hakka lauk og grænmetistening fyrst og síðan þorskinn. Þegar því er lokið er fínt að taka ¼ af deiginu frá, fylla upp í þann hluta með spelti, setja síðan fjórða partinn aftur saman við, krydda með svörtum pipar og bæta saman við hamingjueggjum og kartöflumjöli. Þetta er síðan hrært saman, ,mótað í meðalstórar bollur og steikt upp úr kókosfeiti þar til brúnaðar og fínar. Mér finnst gott að steikja góðan slatta í einu og setja svo temmilega margar í eina máltíð í poka og frysta. Eðalfínn skyndimatur þegar maður hefur lítinn tíma – rétt að henda bollum í pott, gufusjóða og græja eitthvað létt grænmeti með J

Við höfum í gegnum tíðina vanist því að nota einna helst ýsu þegar við ætlum að gæða okkur á hversdagsfisk, en staðreyndin er hinsvegar sú að þorskurinn er mun hollari en ýsan þar sem hann neytir sjálfur hollari fæðu, en ýsan er hrææta.
Hugmynd að grænmeti með fiskibollum:

Smá kókosfeiti
Laukur / rauðlaukur
hvítlaukur
Sæt kartafla
Kúrbítur eða brokkoli
Milt karrímauk frá Pataks
Kókosmjólk

Grænmeti flysjað, brytjað og steikt á pönnu úr kókosfeiti. Kókosmjólk bætt saman við og sömuleiðis karrímauki eftir smekk – einfalt og gott J

Og svo er svosem hægt að setja ýmislegt skemmtilegt í þorskbolludeigið, eins og ólívur, sólþurrkaða tómata, ferskar kryddjurtir, linsubaunir o.fl. o.fl.