Pasta með pestó

500 gr soðið pasta (skrúfur eða eitthvað álíka)
Sveppir
Laukur
Gulrætur
Blómkál
Broccoli (má sleppa)
Paprika
1 krukka grænt pestó frá Sacla

Grænmetið skorið í bita og steikt í potti upp úr ólífuolíu, þegar grænmetið er orðið meyrt þá bætið soðnu pasta saman við og pestó krukkunni yfir, hrærið vel saman og berið fram með parmesan osti og nýmöluðum svörtum pipar, og hvítlauksbrauði.

Rækjupasta fyrir 6-8 manns

1 dl majones eða sýrður rjómi
1/2 dl ólífuolía
3 msk sítrónusafi
1-2 tsk karrý
1 stórt hvítlauksrif
1 tsk hunang
½ tsk salt
500 gr rækjur
6 dl pasta
2 dósir túnfiskur
4 msk ananaskurl
3 msk blaðlaukur
2 msk söxuð steinselja

Majones/sýrður rjómi, olía, sítrónusafi, karrý, hvítlauksrif, hunang og salt er hrært saman í skál. Rækjur, soðið pasta, túnfiskur, ananas, blaðlaukur og steinselja sett í aðra skál og síðan er sósan sett yfir. Hrært saman. Þarf að vera í kæli í c.a sólarhring.

Kjúklingapasta

2 kjúklingabringur steiktar í strimlum
slatti af soðnu pasta
sveppir steiktir
paprika steikt
laukur steiktur
bacon ostur bræddur með gumsinu
rjómi settur síðast út í.

Svo er þessu öllu blandað saman í pott eða bara á pönnunni.

Pastasósa

1 peli rjómi
1 box sveppir skornir í sneiðar
1  rauð paprika
1 piparostur (sker piparinn af allan hringinn en hef piparinn undir og ofan á áfram, gert svo sósan verði ekki of pipruð)
4 hvítlauksrif (má vera meira eða minna, eftir smekk bara)
1 skinkubréf

Sveppirnir eru smjörsteiktir svo er paprikan og skinkan skorið frekar smátt og steikt með sveppunum í smá stund. Svo er rjómanum bætt við og látið malla. Hvítlauknum og piparostinum (sem  er búið að skera í þunnar sneiðar svo hann sé fljótari að bráðna með rjómanum) er sett útí gumsið og látið malla í dágóðan tíma (amk 10-15 mín) Pastaskrúfur soðnar og bornar fram með sósunni

Pylsu- grænmetispasta

1/2 - 1 Laukur (eftir smekk)
Sveppir í dós (ekki henda vökvanum)
Paprika
2 hvítlauksgeirar
Blaðlaukur (má sleppa)
Mais baunir
3 Pylsur (skornar í sneiðar)
Rjómaostur hreinn (má líka vera beikon, sveppa eða blaðlauks smurostur)
Oregano krydd
Einnig er gott að setja beikon
Pasta (skrúfur eða hreiður eða eitthvað álíka, ekki spaghetti)

Allt grænmeti skorið í strimla, sveppir í sneiðar. Steikt á pönnu, þangað til byrjar að koma litur, kryddað með salti og pipar. Vatninu af sveppunum og örlitlu af soð vatninu frá pastanum sett á pönnuna og látið sjóða. Sett ca. 1-2 msk af rjómaosti á pönnuna. Rjómanum bætt á, má einnig setja mjólk og rjóma eða eingöngu mjólk. Látið malla pínu stund, pastanu bætt á kryddað yfir með oregano. Sett lok á pottinn/pönnuna og hitnn settur á lægsta straum látið malla í 3-5 mín.  Borið fram með hvítlauksbrauði

Fiskréttur Maríu

2-3 flök af ýsu eða þorsk
Hrísgrjón 2-3 pokar
1 peli rjómi
2-3 msk mayones
Sítrónupipar
Karrý
Aromat
Season All

Sjóða fiskinn og hrísgrjón. Hræra saman 1 pela af rjóma og 2-3 stórum msk af mayonesi, setja örlítið af karrý og season all útí.
Hrísgrjón í botn á eldföstu móti,síðan fiskinn og svo rest af grjónum. Hella sósunni yfir og ostur fer síðast yfir.
Bakist í 20-30 mín. á 175°.

Geggjaður fiskréttur

2-3 ýsuflök
1 poki Hrísgrjón
smá gulrætur
1 paprika
smá blómkál
steiktir sveppir
steiktur rauðlaukur
ostur

Sósa:
1 beikonsmurostur
1 hvítlaukssmurostur
rjómi
Sjóðið hrísgrjónin og setjið þau í eldfast mót.
Skerið fiskinn í bita og raðið ofáná.
Stráið gulrótinni,papriku og blómkáli.
Steikið því næst sveppina og laukinn og setjið ofaná.
Bræðið sósuna saman í potti og hellið yfir og setjið ostinn yfir alveg í restina. Setjið inn í ofn á 180° í c.a 30 mín.

Ýsa með kartöfluflögum

Ýsa
aromat krydd og hvítlaukssalt (eða annað eftir smekk)
1 dós sýrður rjómi 18%
kaffirjómi
paprikuflögur (eða aðrar eftir smekk)
mozarella ostur
hrísgrjón

Hrísgrjónin eru soðin en ekki til fulls og sett í botninn á eldföstu móti. Sjóðið aðeins upp á fiskinum og látið renna af honum (annars fer soðið út í sósuna og þynnir hana)og setjið ofan á grjónin. Hrærið saman kaffirjóma og sýrðum rjóma -gætið þess að hafa sósuna ekki of þunna. Setjið kryddin út í sósuna og hellið yfir fiskinn. Myljið flögurnar og stráið yfir fiskinn. Að lokum er osturinn settur yfir. Setjið í 180°C heitan ofn í 10-15 mín.

Ofnbakaður fiskur með rækjum

500 g fiskur
100 g rækjur
1/4 laukur, smáttsaxaður
1-2 msk ítalskt sjávaréttakrydd
2 dl vatn ásamt sítrónusafa
2 dl rjómi
olía til steikingar
pipar og salt eftir smekk
gráðostur eða annar ostur eftir smekk

Sósan
Léttsteikið laukinn, bætið vökvanum og kryddi útí, látið krauma í 5 mínútur, rjómanum bætt útí og látið krauma áfram í 5 mínútur, ostinum bætt útí og hrært saman.

Fiskurinn steiktur og kryddaður, settur í eldfast form, setjið rækjurnar yfir og hellið sósunni yfir.
Bakað v/180°C í 20 mínútur

Réttur m/ camembert

1 franskbrauð án skorpu
1/2 rauð paprika
1/2 gul paprika
1/2 dós af danskri skinku eða samsvarandi úr bréfi
slatti af ferskum sveppum
1 camembert
1 peli rjóma

Smyrjið mót og skerið allt nema ostinn í litla bita, blandið saman og leggið í mót.
Bræðið saman camembert og rjóma og hellið yfir.
Hægt er að strá rifnum osti yfir allt ef maður vill.
Hitið í ofni í 15 til 20 mínútur og berið fram með rifsberjahlaupi.