Bakað heitt kartöflusalat

1 kg litlar nýjar kartöflur
1¼ dl jómfrúarólífuolía
5 msk steinselja, söxuð fersk
25 g ólífur, svartar, steinlausar, fínt saxaðar
1½ msk kapers
1 msk Balsamic edik
6 stk sólþurrkaðir tómatar í olíu, sxaðir
1 stk rauðlaukur, fínt saxaður
sjávarsalt, gróft
pipar, svartur, nýmulinn

Setjið kartöflurnar í eldfast fat. Sáldrið sjávarsaltinu og 2-3 msk af ólífuolíu yfir kartöflurnar og hristið til að olían komist í snertingu við allar kartöflurnar.

Setjið í 200°C heitan ofn og bakið í 25-30 mínútur eða þar til kartöflurnar eru orðnar mjúkar. Rétt er að snúa þeim af og til í ofninum.

Meðan kartöflurnar eru að bakast; setjið þá allt hitt hráefnið í stóra skál og blandið vel saman. Kryddið með salti og pipar.
Takið kartöflurnar úr ofninum, stingið í hverja kartöflu með gaffli og skerið í tvennt. Hvolfið svo heitum kartöflunum í skálina með kryddblöndunni, veltið þeim upp úr leginum og berið fram hvort heldur sem er; heitt eða kalt.

Grískt kartöflusalat

500 g kaldar soðnar kartöflur, skornar í litla bita
2 harðsoðin egg, skorin í báta
2 tómatar, skornir í þunnar sneiðar
150 g fetaostur
1 laukur, fínt saxaður
svartar steinlausar ólífur eftir smekk

Öllu blandað saman í stóra skál.

2 msk hvítvínsedik
1 tsk sinnep
4 msk ólífuolía
1 tsk basilka
salt og pipar eftir smekk

Hristið vel saman, hellið yfir salatið og látið standa í klukkutíma áður en borið er fram. Fallegt er að skreyta með eggjabátum og þunnt sneiddum tómötum.

Kartöflusalat III

1 kg kartöflur í bitum (soðnar og kældar)
3 dl sýrður rjómi
½ dl sætt sinnep
½ dl sýrðar gúrkur
Salt og pipar
½ rauð paprika
1 stk laukur
4 stk harðsoðin egg  Söxuð niður í eggjaskera.
4 stk epli
Söxuð steinselja

Kartöflusalat II

700 gr soðnar kartöflur
1 dós sýrður rjómi (10%)
1 dós kotasæla
1 búnt radísur, skornar í sneiðar
1 lítill blaðlaukur, saxaður
1 rauð paprika, söxuð
2 msk sætt sinnep
Salt og pipar eftir smekk
2-3 harðsoðin egg, skorin í báta
Graslaukur, saxaður

Setjið kaldar kartöflurnar í skál. Blandið saman sýrða rjómanum og kotasælunni, bætið grænmetinu út í og hrærið.  Kryddið með sinnepi, salti og pipar og leggið eggjabátana yfir. Stráið graslauknum yfir og geymið í kæli þar til borið er fram.

Kartöflusalat I

750 gr soðnar kartöflur
2 ½ dl sýrður rjómi
2 ½ dl ab-mjólk
1-2 msk smátt saxaður laukur
2-3 tsk sætt franskt sinnep
1 tsk sítrónusafi
1-2 tsk gróft salt

2-3 msk steinselja, söxuð
2-3 msk graslaukur, saxaður

Kartöflugratín

Kartöflur eru hálfsoðnar
Skræla þær og skera í sneiðar
Settar í smurt eldfast mót
Hvítlauksostur
bræddur í cr 1 dl rjóma eða mjólk
Hella yfir kartöflurnar og set svo ost yfir
Bakað í ofni við 200°c í ca 20 mín eða þar til að osturinn er orðinn gullinn

Kanelsnúðar

300 ml mjólk , ylvolg

40 g ger

75 g sykur

100 g smjör

1 egg

½ tsk salt

um 700 g hveiti

1 msk kanell

2 msk mjólk

Mjólkin sett í skál, gerið mulið yfir, 1 msk af sykri stráð yfir og látið standa þar til gerið freyðir. Á meðan er helmingurinn af smjörinu bræddur og síðan látinn kólna nokkuð. 2 msk til viðbótar af sykri hrært saman við gerblönduna ásamt eggi, salti, bráðna smjörinu og svo miklu hveiti sem þarf til að deigið verði hnoðunarhæft en þó fremur lint. Hnoðað vel og síðan látið lyfta sér í a.m.k. 45 mínútur. Hnoðað, flatt fremur þykkt út í aflanga plötu og smurt með afganginum af smjörinu (þarf að vera lint). Afganginum af sykrinum blandað saman við kanelinn og stráð jafnt yfir. Deiginu rúllað upp frá annarri langhliðinni og það síðan skorið í nokkuð þykkar sneiðar, sem er raðað á bökunarplötu. Snúðarnir látnir lyfta sér í um 20 mínútur og ofninn hitaður í 240 gráður á meðan. Penslaðir með mjólk og bakaðir í miðjum ofni í 12-15 mínútur.

Þessir snúðar eru í boði Lee Ann Maginnis 

Ömmu kanelsnúðar

400 g hveiti (meira ef þarf)

1 tsk lyftiduft

½ tsk hjartarsalt

225 g sykur

250 g smjör eða smjörlíki

2 egg

1 msk kanil

Hveitið sigtað á borð ásamt lyftidufti og hjartarsalti, 175 g af sykrinum blandað saman við og síðan er smjörið saxað eða mulið vel saman við það.
Laut gerð í miðjuna, eggin brotin þar í og síðan er þurrefnunum hrært saman við þau smátt og smátt (einnig má setja allt saman í hrærivél og hræra deigið saman á minnsta hraða).
Deigið á að vera fremur stíft en þó ekki þurrt. Kælt í 15-20 mínútur og ofninn hitaður í 180 gráður.
Þá er deigið flatt út í rétthyrning, um 40x25 cm, og brúnirnar snyrtar. Afganginum af sykrinum blandað saman við kanelinn og stráð jafnt yfir, ekki alveg út á brúnir. Deigplötunni er síðan rúllað upp frá annarri langhliðinni. Lengjan skorin í fremur þunnar sneiðar sem raðað er á pappírsklæddar bökunarplötur. Snúðarnir bakaðir í 20-25 mínútur; þeir eiga að vera fremur harðir.  

Þessir snúðar eru í boði Lee Ann Maginnis 

Kanelsnúðar a la Tigercopper

5 stórir bollar hveiti 
2 stórir bollar sykur
250gr smjörlíki
6 góðar teskeiðar ger (ekki sléttfulla en ekki alveg kúfaðar)
2 egg
2dl mjólk
vanilludropar.
(svo er hægt eftir smekk að bæta ef vill 1 tesk af kanil og 1 tesk negul út í til að krydda aðeins upp bragðið)

Best að láta smjörlíkið linast á eldhúsborðinu yfir nótt. Þurrefnum blandað saman í fat - eggjum og mjólk blandað saman og þeytt létt og smjörlíki í restina - síðan er blauta látið í fatið hjá þurrdótinu og allt saman hnoðað í höndunum.

Skipt í góðar kúlur og hver kúla fyrir sig flatt út með kefli. Deigið penslað útflatt með mjólk og kanelsykri stráð yfir allt. Þá er að rúlla því upp og svo skorið í góða snúða. Snúðunum ýtt ofaní kanelsykurinn og svo á ofnplötu. Bakast á 175-180c hita í stutta stund eða þar til þeir eru fallega ljósbrúnir. Láta þá kólna en síðan í plastpoka ofan í dúnk (haldast dúnmjúkir þannig).

Þessir snúðar eru í boði Tigercopper 

Pylsupasta

500 gr tagliatelle
1 pk pylsur eða kjötbúðingur
1 stór laukur
1 rauð paprika
1 ds sveppir eða notið ferska
1 tsk hvítlauksduft
1 tsk piparblanda
1 tsk salt
1/2 tsk oregano
1 lítil dós tómatmauk
1/2 l vatn.

Sjóðið pastað.
Svissið smátt saxaðan laukinn,sveppina og paprikuna,hellið vatninu yfir,kryddið og látið sjóða í ca 15 mín.