Trufflur

500 g dökkt súkkulaði
2 ½ dl rjómi

Bragðefni: 1 msk. koníak eða líkjör (koníakstrufflur)
1 tsk. piparmintudropar (piparmintutrufflur)


Brytjið súkkulaðið smátt og setjið í skál. Hitið rjómann að suðumarki og hellið yfir súkkulaðið. Hrærið þar til súkkulaðið hefur bráðnað. Bætið bragðefnum í eftir smekk, hrærið vel og geymið súkkulaðimassann í kæli í 4-6 klukkustundir. Mótið kúlur úr massanum með teskeið eða kúluskeið og veltið þeim upp úr kakói, ristuðum hnetum, kókosmjöli eða rifnu súkkulaði. Geymið í kæli.

Súkkulaði pinnar.

Hráefni:
75.gr. smjör
120.gr. flórsykur
1 1/2. msk romm
175. gr. súkkulaði(brætt).

Aðferð: Hræra smjörið mjúkt.Bætið sykri í og hrærið þar til þetta verður létt og ljóst. Hrærið romminu saman við. Kælið súkkulaðið örlitið og hrærið því saman við smjörhræruna smátt og smátt. Hrærið þar til verður þykkt og glansandi. Setjið hræruna í sprautupoka með miðlungsstút og sprautið í litlar lengjur á bökunarpappír eða vefja pappír um annan endann. Geymið í vel lokuðu íláti í frysti

Snjóboltar

Hráefni:
4 dl kókosmjöl
4 dl flórsykur
1 eggjahvíta
3 msk brætt smjör
3-4 msk rjómi
Smá vanilla

Hvítt súkklaði til að hjúpa

Aðferð: Smjörið er brætt og rjóminn settur út í. Eggjahvíta, kókosmjöl og flórsykri (blanda honum rólega við) er bætt við allt. Þetta er svo hnoðað, mótað í kúlur (gott að hafa bökunarpappír á plötu undir kúlurnar), kælt og að lokum hjúpað.

Þessu má velta upp úr kókosmjöli.

Súkkulaði og möndlukonfekt

u.þ.b. 50 bitar

Hráefni:
250 gr smjör
2 dl mjólk
50 gr kakó
4 tsk vanillusykur
1 kg flórsykur
90 gr möndlur, flysjaðar og hakkaðar


Aðferð: Skerið smjör í bita og setjið í pott ásamt mjólk, kókói, vanillusykri og flórsykri. Hrærið í þar allt hefur blandast vel saman. Hitið að suðu og látið malla í stutta stund eða þar til blandan nær 1161c, hrærið stöðugt í á meðan. Takið pottinn af hellunni og látið blönduna kólna í 5 mín. Hrærið kröftulega í 2-3 mín. Með sleif þar til hún fer að þykkna. Bætið möndlum út í og blandið vel saman. Hellið blöndunni í vel smurt form (20x25 cm) og geymið í kæli þar til hún hefur stífnað eða í u.þ.b.2-3 klst. Skerið í litla bita og njótið! Konfektið má geyma í lofþéttu íláti í kæli í allt að 2 vikur.

Iðnaðarmannakonfekt

Fylling :

Saxað Cote d'Or súkkulaði (56 %)
1/2 dl rjómi
1/2 dl koníak ( Hennessyl)
50g smjör
Odense súkkulaðidropar

Aðferð :
Bræðið saman 300g af súkkulaði yfir vatnsbaði.

Sjóðið rjómann og blandið honum saman við brædda súkkulaðið í smá skömmtum.
Blandið koníaki og smjöri saman við og hrærið þangað til allt er komið saman.
Hellið blöndunni í t.d. eldfast mót, setjið yfir hana elshúsfilmu og kælið yfir nótt

Fyllinguna má einnig móta í kúlur og húða með súkkulaði

Kanil-kókoskúlur

Hráefni :

200 g þurrkaðir papaya- og ananas bitar
1 dl kókosmjöl
6-8 Nóa kókosbitar
100 g Suðusúkkulaði, brytjað
100 g pekanhnetur
2-3 msk. mjúkt smjör
1/2-1 tsk. kanill
Dökkur ópal hjúpur


Aðferð :

Setjið allt í matvinnsluvél og hrærið þar til allt verður að þykkum massa.
Mótið kúlur úr massanum

Hjúpið þær með hjúpnum.
Stráið kókosmjöli yfir.

Geymið í lokuðu íláti.

Hebbakúlur

Hráefni :

100 gr núggat
35 gr valhnetur
100 gr konfektmarsipan
50 gr flórsykur
50 gr rúsínur
100 gr rjómasúkkulaði
Dökkur Ópal súkkulaðihjúpur


Aðferð :

Setjið allt nema hjúpinn í matvinnsluvél og hakkið mjög vel saman.
Mótið kúlur

Kælið í 10-15 mín.

Hjúpið og veltið upp úr valhnetumylsnu.

Regnbogakúlur

Hráefni :

Marsipan
Núggat
Dökkur Ópal súkkulaðihjúpur


Aðferð :

Skerið núggatið í litla teninga.
Fletjið út bita af marsipaninu milli fingranna,
vefjið utanum núggatið og mótið kúlu.
Hjúpið með súkkulaði.

Salthnetukonfekt

Hráefni :

200g  marsipan
100g nougat
50g hakkaðar salthnetur
Brætt ljóst/dökkt súkkulaði

Aðferð:

Fletjið marsipanið út með kökukefli.
Gerið það sama við núgatið og hafið það í sömu stærð.
Leggið núggatið ofan á masipanið og sáldrið hökkuðum salthnetum á annan helmingin.
Þrýstið hnetunum ofan í núggatið og brjótið svo hinn helminginn yfir.
Rúllið yfir með kökukefli í u.þ.b. 5-8 mm þykkt og skerið í ferninga.
Kælið molana, húðið með súkkulaði og skreytið að vild.

Sælkera konfektkúlur

Hráefni:

200g  marsipan
100g Anton Berg karmellumolar
Grand Marnier eftir smekk
Brætt ljóst súkkulaði

Aðferð :

Myljið karmellumolana niður í hrærivél og blandið þeim saman við marsipan og Grand Marnier.
Varast ber að hafa blönduna of blauta.
Kælið
Mótið kúlur
Húðið þær með ljósu súkklulaði og skreytið að vild.