Fiskisúpa Daða fyrir sex manns

Daði Garðarsson sendi mér þessa uppskrift, takk kærlega

1 ltr. vatn

1 dl hvítvín
lítill blaðlaukur – græni hlutinn
1-3 gulrætur
2 msk tómatmauk. Ein lítil dós.
1 sellerístilkur
hvítlauksgeiri
2 tsk Madras karrýduft
2 stk fiskiteningar
4 stk súputeningar (Maggi)
2 dl rjómi
1 dós kókósmjólk salt – pipar
smjörbolla eða sósujafnari
humar- rækjur-hörpuskel-lax-ýsa-lúða, fer eftir smekk
1 rauð paprika í teningum

 ½ búnt steinselja

 

Grófsaxið grænmetið, steikt í smjöri + karrý og tómatmauk. Sett í pott með vatni, hvítvíni(ekkert mysu kjaftæði), teningum og hvítlauk.  Soðið í 15 mín. Bæta í kókosmjólk, salti pipar og rjóma.  Fiskurinn, paprikan og steinseljan sett í og soðið í 2-3 mín.
Borið fram með snittubrauði með hvítlauk, smjöri og pestó.

 

Smakka á meðan eldun stendur yfir, hvort þurfi að bæta við teningum, salti og pipar. Einnig er mjög gott að drekka restina úr hvítvínsflöskunni meðan á matseldinni stendur.

 

 

Vínið sem ég mæli með að sé dreypt á með súpunni, er freyðivín frá Spáni sem heitir Castillo Perelada Seco (Ljóssítrónugult. Létt fylling, hálfsætt og ferskt með frískan sítrus, ljósan ávöxt og reykjar- og olíutóna).

 

Verði ykkur að góðu