Bláberjabaka

Deig:

• 125 gr smjör
• 1 1/4 dl sykur
• 2 egg
• 125 gr hveiti
• 1 tsk lyftiduft

Fylling:

•  300-500 gr bláber
• ½ dós sýrður rjómi
• ½ dós grísk jógúrt
• ½ dl sykur
• 1-2 tsk vanillusykur
• 1 egg

Stillið ofninn á 225°C.  Hrærið deigið saman og setjið í botninn og upp með hliðunum á eldföstu móti.  Dreifið berjunum yfir botninn en geymið nokkur til að skreyta með í lokin.
Hrærið afgangnum af fyllingunni létt saman og hellið yfir botninn.  Skreytið með berjum.  Bakið í uþb 25-35 mínútur eða þar til að kantarnir verða brúnir.

Jólagrauturinn

Sjóðið 1 dl af hrísgrjónum í hálfum lítra af vatni.  Saltið.

Bætið við vanillustöng eða vanillusykri.  Þegar vatnið hefur gufað upp bætið þá 1 líter af nýmjólk í smáum skömmtum.  Hrærið í við lágan hita.  Til að gera grautinn ómótstæðilegann má bæta við 1 pela af rjóma með fyrsta skammti af mjólkinni.

Að lokum er mandla með hýði sett útí og möndlugjöfin klár á kantinum :)

Jólabiti Fjölskylduhjálpar

Ég er, ásamt fleiri góðum konum, að baka smákökur fyrir Fjölskylduhjálpina og á þessu heimili varð þessi uppskrift fyrir valinu.

Þær eru smáar, eiginlega bara einn munnbiti hver kaka en þú getur auðveldlega gert bara stærri kúlur til að gera þær stærri :)

• 2 dl hveiti
• 1 dl sykur
• 1 dl mulið kornflakes
• 1 msk kókosmjöl
• 1/4 tsk salt
• 1/4 tsk matarsódi
• 50 gr smjörlíki
• 50 gr saxað suðusúkkulaði eða súkkulaðispænir
• 1 egg

Blandið öllu þurrefninu saman í skál og hrærið saman, bætið svo egginu við og svo súkkulaðinu.  Hnoðið deigið saman og skiptið því svo í 6 parta.

Rúllið hverjum parti í lengju og skerið hana í 10 bita og rúllið hverjum bita í kúlu.
Ca 25 kúlur á plötu, 200°C í 10 mínútur.  Takið strax af plötunni og leyfið að kólna :)

Úr þessari uppskrift verða 60 Jólabitar :)

Vínarterta/hálfmánar frá langömmu

• 500 gr smjörlíki

• 500 gr sykur

• 2-3 egg

• 1 kg hveiti

• 2 tesk lyftiduft

• 1 tesk hjartasalt

• 2 tesk vanilla

• mjólk eftir þörfum

 

Hnoðað deig.

Vínartertan: Deiginu skift í 3-4 hluta, flatt út á plötu, gott að nota bökunarpappír.
Bakað við 175-200 gráður í 10-15 mín. Lagt saman með sultu.

 

Hálfmánarnir: Deigið flatt frekar þunnt út, stungnar út kringlóttar kökur, smá sulta sett á hverja köku. Þær brotnar saman og kantinum þrýst saman með gaffli.
Bakað við 175-200 gráður í ca 10 mín.

Vanilluhringir langömmu

• 350 gr smjörlíki
• 250 gr sykur
• 1 egg
• 500 gr hveiti
• 1/2 tes hjartasalt
• 2 tesk vanilla.

 

Hnoðað deig. Kælt, sett gegnum hakkavél, stjörnumót. Skorið í hæfilega bita, og mótaðir hringir.

200 gráður, 3-8 mín.

Barónar langömmu

• 250 gr smjörlíki

• 250 gr sykur

• 1 egg

• 500 gr hveiti

• 2 tesk lyftidft

 

Venjulegt hnoðað deig. Búnar til lengjur, kælt. Skorið í sneiðar.
200 gráður, 5-10 mín.

Gyðingakökur langömmu

• 500 gr smjörlíki

• 500 sykur

• 4 egg

• 1 kg hveiti

• 2 tsk hjartasalt

• 1 dl mjólk

• 1 tsk kardimommudropar

 

Venjulegt hnoðað deig. Flatt frekar þunnt út, stungið undan glasi. Penslað með sundurslegnu eggi og perlusykri stráð yfir.

175 gráður, þar til þær eru ljósgular.

Sprautukökur langömmu

• 500 gr smjörlíki

• 500 gr sykur

• 4 egg

• 1 kg hveiti

• 250 gr kókosmjöl

• 2 tsk hjartasalt

 

Venjulegt hnoðað deig. búnar til lengjur, kælt.

Sett í gegnum hakkavél, með flötu járni.

175 gráður, þar til eru ljósgular.

Vanillufrómas með perum

• 4 stk eggjarauður
• 80 gr sykur
• 1 stk vanillustöng
• 1 tsk vanilludropar
• 5 stk matarlímsblöð
• ½ líter rjómi, léttþeyttur
• niðursoðnar perur
• 1½ dl rjómi
• 200 gr súkkulaði, smátt saxað.

Þeytið eggjarauðurnar með sykrinum þar til létt og ljóst, skafið kornin úr vanillustönginni og setjið saman við ásamt dropunum.
Setjið matarlímið í kalt vatn í ca 5 mín, leysið svo límið upp með 2 msk af vatni.  Setjið matarlímið saman við þeytinguna og blandið svo rjómanum varlega saman við.  (þessum léttþeytta)

Hitið 1½ dl af rjóma að suðu og hellið yfir smátt saxað súkkulaðið, blandið rólega saman þar til fallegur glans er kominn á súkkulaðið.
Setjið eina peru (hálfa) í glas, setjið ca 2 msk af súkkulaðinu yfir peruna og hellið svo frómasinum yfir.  Setjið í kæli og látið standa í amk 3 klst eða yfir nótt.

Romm-rúsínu-ís

• 4 stk eggjarauður
• 50 gr sykur
• 1 dl vatn
• 1 dl rúsínur
• ½ dl dökkt romm
• 3½ dl rjómi

Sjóðið vatn og sykur í síróp (10-12 mínútur),  Sjóðið uppá rúsínunum og romminu og látið standa í 1 klst.

Þeytið eggjarauðurnar og hellið sírópinu heitu út í og þeytið áfram í létta froðu, bætið rommrúsínunum út í.  Blandið síðan varlega saman við rjómann.
Frystið í 5 klst í formkökuformi.  Losið úr forminu 30 mín áður en ísinn er borinn fram.

Gott með ferskum rjóma og ávöxtum að vild :)