Skinkuhorn

100 gr. smjör/smjörlíki
900 gr. hveiti
60 gr. sykur
1/2 tsk. salt
1/2 lítri mjólk
1 pakki þurrger (ötker)
Fylling:
1 pakki/túpa skinkumyrja
ostur og skinkubitar

Penslun:.

Egg eða mjólk og einhver fræ t.d. sesamfræ eða eftir smekk.
Blandið saman þurrefnunum. Hitið mjólkina rétt volga 37 gráður.Bræðið smjörlíkið í potti og bætið við mjólkina (má líka bræða í örbylgjuofni smjörlíkið og bæta í mjólkina en passa að hitastigið sé ekki of mikið. Hellið mjólkinni saman við þurrefnin og hnoðið.Gott að skella í hrærivélaskál (Kichen Aid eða annað og nota hnoðarann. Látið lyfta sér í 40-60 mín. á volgum stað (viskustykki yfir deiginu Hnoðið aftur og látið lyfta sér í 30 mín. Skiptið deginu í fimmm hluta. Hvern hluta á að fletja út í hring og skipta í 8 hluta (alveg eins og gert er með pizzur) setja ca. 1/2 - 1 tsk af skinkumyrju á hvern hluta og rúlla upp í horn.Má setja saman við skynkumyrjuna skinkubitum og rifnum osti. Pensla með mjólk og strá fræum ofan á (má sleppa). Bakist við 200 gráða hita þangað til hornin eru orðin ljósbrún ca. 20 mín.

ps. Skinkumyrjan gerir rosamikið, skinkuhornin verða meira djúsí,nammi nammi.

ps. Sumir setja smá Dijon sinnep í staðinn fyrir Skinkumyrjuna og svo skinku og ost og er það líka gott.

ps. Þú getur líka notað þessa uppskrift í kanilsnúða eða pizzasnúða /pepperoni og skinka + ostur og rúllað upp.