Sítrónupasta með skinku frá Lauju

Þessi uppskrift var skilin eftir í gestabókinni, takk kærlega

Þessi uppskrift er frá veitingahúsi í Róm, Vecchia Roma, og er hún í bók sem heitir "Hundrað góðar pastasósur", eftir Diane Seed.
Allir fjölskyldumeðlimir eru vitlausir í þetta pasta.

500 gr. tagliatelle
1 hvítlausrif
25 gr smjör
svartur pipar
2 sítrónur
100 - 200 gr skinka
5 dl. rjómi (matreiðslurjómi)
salt

Hakka eða saxa hvítlauk örsmátt. Bræða smjör og steikja hann varlega, ekki brúna, bætið pipar út í. Þvo sítrónur og rífa ysta lagið mjög fínt (passa að taka ekki af hvíta sem gerir sósuna beiska). Skera skinkuna í ræmur og blanda saman við hvítlauk og smjör. Bæta síðan sítrónuberki og rjóma.

Láta krauma í opnum potti í allt að klukkustund. Sjóðið pastað til hálfs (mýkja það) - klára síðan að sjóða það í sósunni. Saltið eftir smekk. Ef sósan er of þykk bæta við smá rjóma. Ég hef notað matreiðslurjóma og blandað hann með léttmjólk, en í rest setti ég síðan 1 pela af rjóma, en mitt fólk vill hafa aðeins meiri sósu en upp er gefin í þessari uppskrift. Ég setti einnig aðeins meira af hvítlauk og sítrónuberki - þar sem sósan var aðeins meiri. Berið fram t.d. með hvítlauksbrauði.