Kjúklingabaunapottréttur a la Lindberg

2 dósir (400 gr hvor) niðursoðnar kjúklingabaunir (það gera tæplega 500 grömm af soðnum kjúklingabaunum).
2 stórir laukar.
1 stórt hvítlauksrif.
1 dós niðursoðnir tómatar (400 gr).
1 msk. karrí.
1 msk. paprikuduft.
1 stórt, frekar súrt epli.
2 msk. ólívuolía.
1 msk. sojasósa.
fersk steinselja til að skreyta

Skolið kjúklingabaunirnar í köldu vatni og látið renna af þeim. Laukurinn er grófsaxaður og steiktur í olíunni í botninum á potti. Karrí og paprikuduft sett út í og hrært vel í. Eplin skorin í bita og bætt út í. Hvítlauksrifið er hakkað smátt og sett út í ásamt tómötunum og sojasósunni og hrært vel í. Allt látið malla í 25 mínútur. Kjúklingabaununum er þá bætt út í og hitað í smá stund. Fersk steinselja klippt yfir til að skreyta. Borið fram með steiktum kjötréttum eða bara eitt og sér.

í 100 grömmum af réttinum eru ca 118 kkal., 6,9 grömm prótein, 2,7 grömm fita og 16,5 grömm kolvetni